Հայաստանի կառավարությունն օգոստոսի 23-ի նիստում փոփոխություններ է կատարել ՀՀ «Զինապարտության մասին» օրենքում:

Ինչպես բացատրել է ՀՀ պաշտպանության նախարարի տեղակալ Դավիթ Տոնոյանը, ներմուծված փոփոխությունները ենթադրում են, որ պարտադիր զինվորական ծառայության ընթացքում առողջական վիճակի պատճառով ՀՀ զինված ուժերից վաղաժամկետ արձակված զինծառայողները հաշվառվում են ՀՀ ԶՈՒ պահեստազորում և 5 տարին մեկ անգամ ենթակա են վերափորձաքննության, որի արդյունքներով առողջական վիճակի պատճառով պարտադիր զինվորական ծառայությանը պիտանի ճանաչվելու և 27 տարին լրացած չլինելու դեպքում ենթակա են ուղարկվելու շարունակելու զինվորական ծառայության օրենքով սահմանված չծառայած ժամկետը: