ՀՀ ԱԳՆ-ից PanARMENIAN.Net-ին տեղեկացնում են, որ օրերս Եգիպտոսում անախորժությունների մեջ հայտնված հայ զբոսաշրջիկները ՀՀ դեսպանության միջնորդությամբ տեղավորվել են հյուրանոցում: Եգիպտական կողմը այսպիսով ընդառաջ է գնացել, մինչև հայկական տուրիստական կազմակերպությունը վճարի պարտքը: Հիշեցնենք, որ զբոսաշրջիկները Հայաստանում նախօրոք կատարելով բոլոր վճարումները, Եգիպտոս են գնացել Happy Voyage տուրիստական գործակալության միջոցով ու Շարմ էլ Շեյխում հայտնվել իրավապահ մարմինների ուշադրության կենտրոնում: Եգիպտոս հասնելու հաջորդ օրը պարզվել էր, որ տուրիստական կազմակերպությունը ոչ մի փոխանցում չի կատարել, ինչի պատճառով անախորժությունների մեջ են հայտնվել հանգստի մեկնած զբոսաշրջիկները: