Սեպտեմբերի 6-ին, ժամը 18.30-ին ահազանգ է ստացվել, որ Գեղարքունիքի մարզում` Մարտունու Կամոյի 36 շենքի մոտ («Մուշ» սուպերմարկետի մոտակայքում), տեղի է ունեցել ՃՏՊ, կան տուժածներ:

Դեպքի վայր է մեկնել մեկ մարտական հաշվարկ:

Դեռևս չբացահայտված հանգա¬մանքներում բախվել են «ՎԱԶ-2101» մակնիշի 33 ՏՕ 926 պ/հ (վարորդ` 1978 թ. ծնված Շիրակ Արշակյան), «ՎԱԶ-21010» մակնիշի 16 ՏՕ 580 պ/հ (վարորդ` 1966 թ. ծնված Վարդան Վարդանյան) և «Աուդի Ա-8» մակնիշի 05 ՏԼ 033 պ/հ (վարորդ` 1984 թ. ծնված Տիգրան Զիրոյան) ավտոմեքենաները:

Մինչ հրշեջ-փրկարարների ժամանումը` պատահարի հետևանքով տուժածներ` Տ. Զիրոյանը և նրա ուղևորներ` 1983 թ. ծնված Դավիթ Գևորգյանը, 1984 թ. ծնված Արմեն Ասլանյանը, «ՎԱԶ-2101» մակնիշի ավտոմեքենայի վարորդ` Շ. Արշակյանը, ուղևոր` 1981 թ. ծնված Վարդան Կիրակոսյանը և «ՎԱԶ-21010» մակնիշի ավտոմեքենայի վարորդ` Վ. Վարդանյանը տարբեր աստիճանի մարմնական վնասվածք¬ներով տեղափոխվել են Մարտունու հիվանդանոց: Վ. Վարդանյանը հիվանդանոցի ճանապարհին մահացել է:

Հրշեջ-փրկարարները «ՎԱԶ-21010» մակնիշի ավտոմեքենայից դուրս են բերել ուղևոր` 1954 թ. ծնված Մանվել Մուրադյանի դին:

Ըստ բժիշկների` Դ. Գևորգյանի առողջական վիճակը ծանր է, Ա. Ասլանյանինը և Տ. Զիրոյանինը` միջին ծանրության, Շ. Արշակյանինը և Վ. Կիրակոսյանինը` բավարար: