«Հայաստանը եւ Բուլղարիան վավերացրել են մուլտիմոդալ փոխադրումների մասին համաձայնագիրը, Վրատանը` ոչ: Ժամանակն է խթանել այդ գործընթացը»,- հայտարարել է Հայաստանում Բուլղարիայի դեսպան Ստեֆան Դիմիտրովը, հաղորդում է «Արմինֆո» գործակալությունը: Դիվանագետի խոսքերով, դա եռակողմ համաձայնագիր չէ, այլ միջազգային, եւ այն բաց է բոլորի համար: Ավելին, այդ համաձայնագիրը կմնա անկենսունակ, եթե չստեղծվի կառույց, որը կիրականացնի այն: Անդրադառնալով Բուրգաս-Կովկաս-Փոթի տրանսպորտային լաստանավային ուղեգծի գործարկման հարցին` Ստեֆան Դիմիտրովը կարծիք է հայտնել, որ նման նախագծի արդյունավետությունը պետք է որոշեն տնտեսագետները: «Կարող եմ միայն ասել, որ Փոթի-Կովկաս-Նովոռոսսիյսկ-Վարնա-Բուրգաս ուղեգիծը շատ ավելի երկար է, քան Փոթի-Բուրգասը»,- հայտարարեց դիվանագետը: