27 սեպտեմբերի 2012 - 19:12 AMT
ՄԱԿ-ի գլխավոր քարտուղար. Սիրիական ճգնաժամը ռազմական լուծում չունի

Սիրիայի զինված հակամարտությունը ռազմական լուծում չունի: Այս մասին հայտարարել է ՄԱԿ-ի գլխավոր քարտուղար Պան Գի Մունը` հանդես գալով Անվտանգության խորհրդում բարձր մակարդակով նիստի ժամանակ:

«Սիրիական ճգնաժամը ռազմական լուծում չունի»,-ասել է նա: Միևնույն ժամանակ Պան Գի Մունը ընդգծել է, որ հակամարտությունը դիվանագիտության ուղիով լուծելը պահանջում է «ԱԽ կողմից կայուն աջակցություն», որը ներկայումս շոշափելի չէ, հաղորդում է ԻՏԱՐ-ՏԱՍՍ-ը:

Գլխավոր քարտուղարի խոսքով Սիրիայում տիրող իրավիճակը սպառնում է ամբողջ տարածաշրջանին: