Սիրիայի իշխանությունները գրոհայիններին SMS-հաղորդագրություններ են ուղարկել` «Խաղն ավարտված է»
Սիրիայի իշխանությունները երկրում բջջային կապի բաժանորդներին SMS-հաղորդագրություններ են ուղարկել, որոնցում կոչ է արվում գրոհայիններին վայր դնել զենքը, հաղորդում է ՌԻԱ Նովոստին` հղելով Ֆրանս Պրեսս գործակալությանը:
Հաղորդագրությունը տարածվել է Սիրիայի ԶՈւ-ի անունից: Դրանցում, մասնավորապես, եղել են հետևյալ բառերը` «Խաղն ավարտված է»: Բացի այդ, հաղորդագրություններում ասվում է, որ Սիրիայի այն քաղաքացիները, որոնք մասնակցում են հակակառավարական զինված խմբավորումներին, դեռևս կարող են ինքնակամ հանձնվել իշխանություններին:
Ավելի վաղ ևս Սիրիայի իշխանությունները գրոհայինների նկատմամաբ կիրառել են հոգեբանական ազդեցության միջոցներ` թռուցիկների տեսքով:
