Իրանը քննադատել է ԱՄՆ-ի` «Մոջահեդդին-է Հալկը» ահաբեկչականների ցուցակից բացառելու որոշումը, ինչպես նաև մեղադրել է Վաշինգտոնին` «կրկնակի ստանդարտների քաղաքականություն» վարելու մեջ:

Ինչպես հաղորդում է Իրանի պետական հեռուստաալիքը, Իրանը կարծում է, որ ԱՄՆ-ն ԻԺՄԿ-ին դիտում է որպես «լավ ահաբեկիչների», քանի որ այս խմբավորմանն օգտագործում են Իրանի ներկայիս իշխանությունների դեմ պայքարում:

Նախօրեին ԱՄՆ Պետդեպարտամենտը հայտարարել էր, որ խմբավորմանը հանում է ահաբեկիչներին «սև ցուցակից», քանի որ վերջինս հրաժարվել է բռնությունից, ահաբեկչություններ չի իրականացնում և մասնակցել է Աշրաֆ բազայի խաղաղ փակմանը: