Լյուքսեմբուրգում կցուցադրվեն հայազգի լուսանկարչի աշխատանքները
Լյուքսեմբուրգում այսօր կբացվի հայազգի լուսանկարիչ և գրաֆիկական դիզայներ Բագրատ Բադալյանի անհատական ցուցահանդեսը: «Կովարտ» պատկերասրահում կցուցադրվեն 24-ամյա լուսանկարչի նոր աշխատանքները: Ցուցահանդեսը բաց կլինի մինչև հոկտեմբերի 7-ը:
Բագրատ Բադալյանը բնակվում է Բրյուսելում և լուսանկարում է 2007 թվականից: Նրան ավելի շատ գրավում են ֆիլմերի ռեժիսորների աշխատանքները, այդ թվում Անդրեյ Տարկովսկու, Դևիդ Լինչի, Սթենլի Կուբրիկի, Մարտին Սկորսեզեի և այլն: Նա հմտորեն համադրում է լուսանկարի և գրաֆիկական դիզայնի հնարքները` ստեղծելով տպավորիչ սև-սպիտակ կամ երփներանգ հորինվածքներ:
