Քաղաքագետ Ռիչարդ Կիրակոսյանը հույս ունի, որ Վրաստանի ընտրություններում ընդդիմության հաղթանակից հետո նրա արտաքին քաղաքականության մեջ տեղի կունենան փոփոխություններ, և Վրաստանը կկարգավորի հարաբերությունները Ռուսաստանի հետ, ինչը բխում է Հայաստանի շահերից:

Ինչ վերաբերվում է ընտրություններում հաղթած «Վրացական երազանք» կոալիցիայի առաջնորդ Բիձինա Իվանիշվիլու հայտարարություններին, որոնք որոշ հիասթափություն են առաջացրել ռուսական իշխանությունների մոտ, ապա Կիրակոսյանը կոչ է արել հիշել, որ Վրաստանը տարածաշրջանում գտնվում է Ռուսաստանի կողքին, այլ ոչ թե ԱՄՆ-ի:

«Վրաստանի մայրաքաղաքը Թբիլիսին է, այլ ոչ թե Ատլանտան»,- նշել է նա:

Վրաստանում ընտրությունները կայացել են հոկտեմբերի 1-ին: ԿԸՀ նախնական տվյալներով, քվեաթերթիկների 97,03 տոկոսի հաշվարկից հետո «Վրացական երազանք» քաղաքական կոալիցիան կուսակցական ցուցակներով հավաքել է ձայների 55 տոկոսը, Միխայիլ Սահակաշվիլու «Միասնական ազգային շարժում» կուսակցությունը` 40,27 տոկոս: