Լիբիական մոտորանավակը կրակ է արձակել իտալական ձկնորսական նավերի վրա և ուղեկցել նրանց Բենգազի
Լիբիական մոտորանավակը երկրի ափերի մոտ կրակ է արձակել երկու իտալական ձկնորսական նավերի վրա և ուղեկցել նրանց Բենգազիի նավահանգիստ, հաղորդում է ՌԻԱ Նովոստին:
Ինչպես հաղորդել է Նիկոլո Կրիստալդին` Սիցիլիայի Մաձարա դել Վալլո քաղաք-նավահանգստի քաղաքապետը, որտեղ գրանցված են իտալական նավերը, պատահարի մասին զեկուցել է նավերից մեկի նավապետը:
«Նավերը հետապնդվել են լիբիական մոտորանավակի կողմից: Զենք կիրառելուց հետո նրանց հրաման է տրվել ուղորդվել Բենգազիի նավահանգիստ»,- պատմել է Կրիստալդին:
Նրա խոսքով, գնդակոծության արդյունքում 14 իտալացի և թունիսցի նավաստիներից ոչ մեկը չի տուժել:
Դեռ հայտնի չէ, թե ում է պատկանում իտալացի ձկնորսների զինված մոտորանավակը:
