Ա. Զաքարյան. Ադրբեջանը կարող է օգտվել Թուրքիայի գործողություններից տարածաշրջանում ակտիվանալու համար
Հայաստանի խորհրդարանի միջազգային հարաբերությունների մշտական հանձնաժողովի նախագահ Արտակ Զաքարյանը մտավախություն է հայտնել, որ Ադրբեջանը կարող է օգտվել Սիրիայում Թուրքիայի ռազմական միջամտությունից` տարածաշրջանում ուժերի հավասարակշռությունը փոխելու ակտիվ փորձերի համար:
«Վտանգ կա, որ Ադրբեջանը կարող է դուրս գալ վերահսկողությունից»,- նշել է նա:
Զաքարյանի կարծիքով, Հայաստանը պետք է զգույշ լինի և իր ակտիվ դիվանագիտական գործողություններով թույլ չտա որ կայունությունը վտանգվի: Միաժամանակ, նա չի բացառել, որ միջազգային հանրությունը, մասնավորապես, Ռուսաստանը, կարող են ճնշում գործադրել Ադրբեջանի վրա` տարածաշրջանում ուժերի հավասարակշռության փոփոխություն թույլ չտալու համար:
