ՄԱՅԻՍԻ 6-ԻՆ ԱԴՐԲԵՋԱՆԱԿԱՆ ԽՈՐՀՐԴԱՐԱՆՈՒՄ ՏԵՂԻ ԿՈՒՆԵՆԱՆ ԼՍՈՒՄՆԵՐ ԼԵՌՆԱՅԻՆ ՂԱՐԱԲԱՂԻ ԽՆԴՐԻ ՇՈՒՐՋ
Մայիսի 6-ին Լեռնային Ղարաբաղի խնդիրը լայնորեն կքննարկվի Ադրբեջանի Միլի մեջլիսում (ՄՄ): Այդ մասին հայտարարել է ՄՄ նախագահ Մուրթուզ Ալեսքերովը, հաղորդում է «Թրենդ» գործակալությունը: Նրա խոսքերով, նիստում կքննարկվի ԵԱՀԿ փաստահավաք առաքելության փետրվարի վերջին նախապատրաստված զեկույցը, «հայերի կողմից Լեռնային Ղարաբաղը բնակեցնելու քաղաքականության, գրավյալ տարածքներում թմրանյութերի աճեցման, հայկական կողմից ադրբեջանցիների հանդեպ ահաբեկչության քաղաքականության շարունակման եւ այլ հարցեր»: Քննարկումների արդյունքում նախատեսվում է հայտարարություն անել եւ ուղղել այն ՄԱԿ եւ այլ միջազգային կազմակերպություններ:
