Ռուսաստանի տրանսպորտի նախարար Մաքսիմ Սոկոլովը գտնում է, որ ԱՊՀ ինտեգրացիոն գործընթացները նոր հնարավորություններ են ստեղծում Հայաստանի տնտեսության համար: Այդ մասին նա հայտարարել է Երևանում այսօր մեկնարկած հայ-ռուսական միջտարածաշրջանային երկրորդ «Հայաստան և Ռուսաստան. միջտարածաշրջանային երկխոսություն 2012» համաժողովում : Նա նշել է նաև, որ առաջիկայում Հայաստանն ու Ռուսաստանը կքննարկեն հայկական կողմի մասնակցության հեռանկարներն ու ձևաչափը ԱՊՀ ինտեգրման գործընթացներին:

Հիշեցնելով, որ մի քանի օրից ուժի մեջ կմտնի Հայաստանի կողմից վավերացված ԱՊՀ Ազատ առևտրի մասին համաձայնագիրը, Մաքսիմ Սոկոլովը կարևորեց Ռուսաստանի, Բելառուսի ու Ղազախստանի միջև միասնական տնտեսական տարածքի ձևավորումը: Հստ նրա, հեռանկարում դա կլինի ընդհանուր շուկա միասնական տնտեսական իրավական նորմերով, որի շրջանակներում կապահովվի մարդկանց ու կապիտալի ազատ տեղաշարժը, առևտուրը: