Այսօր Սփյուռքի նախարարությունում տեղի է ունեցել խորհրդակցություն, որի ընթացքում քննարկվել են նոյեբմերի 19-20-ին Երևանում կայանալիք «21-րդ դարի մարտահրավերները և Հայաստանի անվտանգության հիմնախնդիրները» խորագրով քաղաքագետների և միջազգայնագետների համահայկական գիտաաժողովի կազմակերպչական և նախապատրաստական հարցերը:Այս մասին PanARMENIAN.Net –ին տեղեկացնում են Սփյուռքի նախարարության մամուլի և հասարակայնության հետ կապերի վարչությունից:
Խորհրդակցությունը վարել է նախարար Հրանուշ Հակոբյանը, ներկա էին գիտաժողովի կազմկոմիտեի անդամները: Համաժողովին զեկուցումներով հանդես կգա 15 զեկուցող սփյուռքից և նույնքան՝ ՀՀ-ից:
Հրավիրված են տարբեր պետությունների գիտահետազոտական և վերլուծական կենտրոններում աշխատող քաղաքագետներ, վերլուծաբաններ և փորձագետներ, որոնք իրենց ներդրումն ունեն ինչպես տվյալ երկրի քաղաքական համակարգի զարգացման, այնպես էլ Հայաստանի Հանրապետության հետ այդ երկրների համագործակցության և բարեկամական կապերի ամրապնդման գործում:
