Սիրիայում հաճախակի են դարձել հայերի սպանությունները: Դա պատահականություն չէ, ավելին, իրականացվում է կոնկրետ մարդասպանների կողմից: Այսօր լրագրողների հետ հանդիպմանը նման կարծիք հայտնեց քաղաքագետ Սերգեյ Շաքարյանցը՝ վստահեցնելով, որ այդ մարդասպանները ամերիկամետ արաբական երկրներից ինչ-որ վարձկաններ են, որոնք մտնում են քրիստոնյա թաղամասեր:
Ըստ բանախոսի, նման իրավիճակում հայերի կարևորագուն քայլը պետք է լինի այն, որ հայությունը գոնե, որպես նախազգուշական քայլ, հայտարարի իր ուժերի միավորման մասին:
«Հայ համայնքը պետք է վաղուց հայտարարեր, որ իր տարածքը վերցնում է հսկողության տակ: Մենք պետք է սպառնանք ու շատ կտրուկ ասենք, որ հայկական թաղամաս մտնողը կյանքով է վճարելու: Եվ իհարկե դա համաձայնեցված պետք է լինի տեղի իշխանությունների հետ»,-ասաց Շաքարյանցը, նշելով, որ դա միանշանակ հնարավոր է իրականացնել, որովհետև Սիրիայում ապրում են չպարտված և անկոտրում կամքի տեր հայեր:
