Նոյեմբերի 25-ից դեկտեմբերի 8-ը Երևանում կանցնի բռնցքամարտի երիտասարդական աշխարհի առաջնությունը:
Ինչպես հաղորդում է azerisport.com-ը, մրցումներին մտադիր է մասնակցել նաև Ադրբեջանի հավաքականը:
PanARMENIAN.Net-ի թղթակցին ՀՀ սպորտի և երիտասարդության հարցերի նախարարությունում ասացին, որ կապահովեն առաջնության բոլոր մասնակիցների անվտանգությունը: «Մենք ոչ ոքի չենք առանձնանցում: Բոլորի համար հավասար պայմաններ կլինեն»,-ասել է նախարարության մամլո քարտուղար Աստղիկ Մարտիրոսյանը:
«Հայտերի ընդունումն ավարտվում է հոկտեմբերի 26-ին: Ուստի անվտանգության երաշխիքներով նամակը կազմակերպիչներից մենք պետք է ստանանք այսօր կամ վաղը: Երբ նամակը ստանանք, կորոշվի թիմի կազմը: Եթե Հայաստանը երաշխիքներ տա, մենք կմասնակցենք աշխարհի առաջնությանը»,-հայտարարել է Ադրբեջանի բռնցքամարտի ֆեդերացիայի փոխնախագահ Ահաջան Աբիևը: