ՀՀ ՄԻՊ գրասենյակից տեղեկացնում են, որ «Նուբարաշեն» ՔԿՀ-ում մատը կտրած դատապարտյալը և ևս 3 դատապարտյալներ հացադուլ են հայտարարել: Նրանցից երկուսը կարել են բերանները, երրորդը մատն է կտրել, իսկ չորրորդ դատապարտյալին ՄԻՊ աշխատակիցները չեն տեսել, քանի որ նա գտնվում է իր գործով ընթացող դատական նիստին:
Մատը կտրած դատապարտյալը հայտնել է, որ առավոտից իրեն ոչ մի բուժօգնություն չեն ցուցաբերել, նույնիսկ ցավազրկող չեն ներարկել: Դատապարտյալները Մարդու իրավունքների պաշտպանին առանձին դիմումներ են ներկայացրել:
Հիշեցնենք, որ «Նուբարաշեն» քրեակատարողական հիմնարկում հոկտեմբերի 22-ից հացադուլ հայտարարած դատապարտյալ Սերոբ Մխիթարյանը կտրել է իր մատը և ուղարկել Henaran.am-ի խմբագրություն: Դատապարտյալ հացադուլ էր հայտարարել, քանի որ դժգոհ է իր դեմ կայացված վճռից և կալանավայրում տիրող իրավիճակից:
