Ֆրանսիացի դպրոցականներին սկսել են ծանոթացնել գինեգործության հիմունքների հետ
Բորդոյում սկսվել է դպրոցականներին շրջանի հիմնական գործունեության ոլորտի` գինեգործության հետ ծանոթացնելու ծրագիր:
6-11 տարեկան երեխաներին տանում են խաղողի այգիներ, սովորեցնում գինեգործության հիմնական սկզբունքները, խաղող աճեցնելը և ծանոթացնում գինեգործների աշխատանքի պայմանների հետ:
Բորդոյի Գինու բյուրոյի ներկայացուցիչները չեն կարծում, որ գինեգործության մշակույթը կբարձրացնի ալկոհոլի նկատմամբ երիտասարդության ձգտումը: Հակառակը, որքան շուտ երեխաները ծանոթանան գինու արտադրության և օգտագործման հետ, այնքան ներդաշնակ կլինեն նրանց հարաբերություններն ալկոհոլի հետ, գրում է Ռոսբալտը:
