Բելառուսն ու Հայաստանը հաստատել են քաղաքական, տնտեսական, հումանիտար և այլ ոլորտներում հարաբերությունները ամրապնդելու փոխադարձ հետաքրքրությունը: Այդ մասին հայտնել է Բելառուսի ԱԳՆ մամլո ծառայությունը Բելառուսի ԱԳ նախարար Վլադիմիր Մակեյի և ՀՀ ԱԳ փոխնախարար Շավարշ Քոչարյանի Մինսկում կայացած հանդիպման ավարտին:
«Կողմերը կարծիքներ են փոխանակել նախօրեին տեղի ունեցած հայ-բելառուսական միջկառավարական հանձնաժողովի 9-րդ նիստի արդյունքների վերաբերյալ: Քննարկվել են հայ-բելառուսական փոխգործակցության վիճակն ու հեռանկարները: Նշվեց, որ ապրանքաշրջանառության առկա մակարդակը չի համապատասխանում կողմերի տնտեսական ներուժին ու հայ-բելառուսական հարաբերությունների մակարդակին», հայտնել է մամլո ծառայությունը, փոխանցում է «ԲԵԼՏԱ» գործակալությունը:
Քննարկվել են մի շարք նախագծեր: Այդպես, հայկական կողմը ուշադրությունը հրավիրել է Հայաստանում ստեղծվող ազատ տնտեսական գոտիներին:
