Ես համոզված եմ, որ մոտ ապագայում Ռուսաստանը կքննարկի Հայոց ցեղասպանության ճանաչմամ հարցը: Այդ մասին հայտարարել է Ռուսաստանում Հայաստանի դեսպան Արմեն Սմբատյանը OpenArmenia.com կայքին տված օն-լայն հարցազրույցի ժամանակ: Պատասխանելով Հայոց ցեղասպանության թեմային նվիրված երեւանյան միջազգային համաժողովում Ռուսաստանի ներկայացուցիչների բացակայության մասին հարցին` Արմեն Սմբատյանը նշել է. «Կոնֆերանսին ներկա է եղել մեծ պատվիրակություն Ռուսաստանից, այնտեղ կային եւ պատմաբաններ, եւ քաղաքագետներ, եւ պաշտոնական անձինք: Երեւանում էր գտնվում ՌԴ Պետդումայի փոխխոսնակ, Գերոգի Բոոսը: Նրանք մասնակցել են բոլոր միջոցառումներին»: