ՆԱՏՕ-ի գլխավոր քարտուղար Անդերս Ֆոգ Ռասմուսսենը իր ջերմ շնորհավորանքներն է փոխանցել Բարաք Օբամային` ԱՄՆ նախագահի պաշտոնում վերընտրվելու կապակցությամբ:
Ռասմուսսենի հայտարարությունում ընդգծվում է, որ «նախագահ Օբաման ցուցաբերել է ակնհայտ լիդերություն` Եվրոպայի և Հյուսիսային Ամերիկայի կենսակարևոր կապը պահպանելու հարցում»:
Ռասմուսսենն ակնկալում է սերտ համագործակցություն, որպեսզի դաշինքը կարողանա արդյունավետ գործել արագ փոփոխվող աշխարհի նոր սպառնալիքների դեմ, հաղորդում է Ինտերֆաքսը: