Ճապոնիայի ավիացիայի ավագ դպրոցը Հայաստանի աշակերտներին հատկացնում է երկու կրթաթոշակային տեղ՝ նրանց ազատելով 3 տարվա ուսման ու կեցության վարձերից: Ինչպես հայտնում է ՀՀ ԿԳՆ կայքը, մասնակիցը պետք է հոգա ճանապարհածախսը և տարեկան մոտ 5000 ԱՄՆ դոլարի սահմաններում հագուստի, ուսումնական ձեռնարկների և այլ ծախսեր:

Ավիացիայի դպրոցում ուսումը շարունակելու համար կարող են դիմել իննամյա միջնակարգ կրթություն ունեցող աշակերտներ: Դպրոց ընդունվելիս ճապոներենի իմացությունը պարտադիր չէ, սակայն լեզվի ինտենսիվ դասընթացներ անցնելուց հետո ուսուցումը կիրականացվի ճապոներենով: Շրջանավարտները հնարավորություն կստանան ուսումը շարունակել Ճապոնիայի ավիացիոն ակադեմիայում կամ ցանկացած այլ բուհում: