Ամերիկուհին վրաերթի է ենթարկել ամուսնուն` իմանալով, որ վերջինս չի քվեարկել Ռոմնիի օգտին
Ամերիկյան Արիզոնա նահանգի բնակչուհին վրաերթի է ենթարկել ամուսնուն` իմանալով, որ նա չի մասնակցել ԱՄՆ նախագահական ընտրություններին, չորեքշաբթի օրը հաղորդում է ՌԻԱ Նովոստին` հղելով Ասսոշիեյթիդ Պրեսսին:
Ինչպես ոստիկանությունում են հաղորդել, Հոլլի Սոլոմոնը բացասաբար էր վերաբերում երկրի գործող նախագահ Բարաք Օբամայի քաղաքականությանը և հուսով էր, որ իր ամուսինը կքվեարկեր հանրապետական-թեկնածու Միթ Ռոմնիի օգտին:
Ոստիկանությունը ձերբակալել է կնոջը: Կինը պնդում է, որ ընդամենը ցանկացել է վախեցնել ամուսնուն, սակայն սխալմամբ սեղմել է սխալ ոտնակ:
ԱՄՆ նախագահական ընտրությունները կայացել են նոյեմբերի 6-ին: Դրանց արդյունքում հաղթանակ է տոնել երկրի գործող նախագահ Բարաք Օբաման:
