Նոյեմբերի 24-ին Տվերում կկայանա Հայ առաքելական եկեղեցու խաչերի օծումը, որի շինարարությունը սկսվել է 2001-ին` Հայաստանի կողմից քրիստոնեության ընդունման 1700-ամյակի տարում: Այսօրվա դրությամբ ավարտվել է շինարարության առաջին փուլը, եկեղեցում պետք է ներքին աշխատանքներ կատարվեն և արդեն մեկ տարի անց կկայանա եկեղեցու օծումը:

Տվերի շրջանում հայկական համայնքը ամենաբազմամարդ համայնքների հնգյակում է. շրջանում բնակվում են շուրջ 13 հազար հայեր: Օծման արարողությանը Մոսկվայից կժամանի Նոր Նախիջևանի և ՀԱԵ ռուսական թեմի առաջնորդ Եզրաս (Ներսիսյան) եպիսկոպոսը, հաղորդում է tverlife.ru-ն: