«Ժամանակ». Խոսրովի արգելոցի նոր տնօրենը Հովիկ Աբրահամյանի հովանավորյա՞լն է
Խոսրովի արգելոցի տնօրենի թափուր պաշտոնի համար հայտարարված մրցույթում հաղթել է Գաբրիել Պողոսյանը, որը հայտնի է «Նոնո» մականունով։ Ինչպես գրում է «Ժամանակ» թերթը, վերջինս բարձրագույն կրթություն չունի, ավարտել է միայն միջնակարգ դպրոցը։
«Մինչդեռ հայտարարված մրցույթի պահանջների մեջ պարտադիր պայման է եղել բարձրագույն կրթության և համապատասխան դիպլոմի առկայությունը։ Որոշ տեղեկությունների համաձայն` Նոնոն մրցույթում հաղթել և այդ պաշտոնին նշանակվել է ԱԺ նախագահ Հովիկ Աբրահամյանի շնորհիվ։ Նոնոն եղել է ԱԺ նախագահի և նրա եղբոր` Ջոնիկի մտերիմը։ Ասում են, որ նա պարբերաբար որսամիս է մատակարարել Աբրահամյաններին։ Բացի այդ, Նոնոն Աբրահամյանների շնորհիվ եղել է Արտաշատի ավագանու անդամ»,- գրում է «Ժամանակը»։
