Հայաստանի նախագահի նախկին թեկնածու, «Ազգային համաձայնություն» կուսակցության առաջնորդ Արամ Հարությունյանը ընտրությունների երկրորդ փուլում չի պաշտպանի Ժողովրդական կուսակցության առաջնորդ Ստեփան Դեմիրճյանի թեկնածությունը: Այդ մասին այսօր լրագրողներին է հայտնել Արամ Հարությունյանը, որը փետրվարի 19-ին տեղի ունեցած նախագահական ընտրություններում հավաքել էր ձայների նվազագույն քանակը: Արամ Հարությունյանը նախագահական ընտրությունների երկրորդ փուլ դուրս եկած թեկնածուներին` Հայաստանի գործող նախագահ Ռոբերտ Քոչարյանին եւ ՀԺԿ առաջնորդ Ստեփան Դեմիրճյանին, ինչպես նաեւ նրանց աջակցող ուժերին կոչ է արել «հանդուրժողականություն դրսեւորել հանուն երկրի կայունության եւ անվտանգության ապահովման»: