Գերմանիայի ԱԳՆ ղեկավար Գիդո Վեստերվելլեն ՄԱԿ Գլխավոր վեհաժողովի որոշումը Պաղեստինին կազմակերպության դիտորդի կարգավիճակ շնորհելու մասին անվանել է պաղեստինա-իսրայելական կարգավորման շուրջ բանակցությունների մանդատ:
«ՄԱԿ Գլխավոր վեհաժողովի երեկվա որոշումն ուղիղ խաղաղ բանակցությունների մանդատ է: Քվեարկության արդյունքները պետք է առիթ ծառայեն նրա համար, որպեսզի հնարավորինս արագ ձեռնամուխ լինեն խաղաղ բանակցությունների»,- հայտարարել է Վեստերվելլեն ուրբաթ օրը:
Նա նշել է, որ ներկա իրավիճակում «չի կարելի թույլ տալ հակամարտության երկարատև կոշտացում»: «Դրա փոխարեն պետք է բոլոր ջանքերը գործադրել արդար և երկարատև երկկողմանի լուծում գտնելու համար»,- ասել է Վեստերվելլեն: