Սոչիի լեռնային օլիմպիական ավանը, որտեղ ձմեռային խաղերի ընթացքում կապրեն դահուկորդներն ու բիաթլոնիստները, եզակի է, քանի որ մարզիկները դեռևս չեն ապրել այսպիսի հարմարավետ պայմաններում, հայտարարել է մրցուղիների շինարարության գլխավոր մարզական տեխնոլոգ, ամառային բիաթլոնի աշխարհի քառակի չեմպիոն Սերգեյ Պրոսվիրինը:

Օլիմպիական ավանը դեռ 1/3-ով է պատրաստ. Շահագործման են հանձնվել միայն 3 քոթեջները: 2013-ի հոկտեմբերին պատրաստ կլինեն հյուրանոցը և բնակարանային տարածքներով շինությունը, որոնք ևս կներառվեն լեռնային օլիմպիական ավանում, փոխանցում է rsport.ru-ը:

«Ոչ մի օլիմպիական ավանում մարզիկները դեռևս չեն ապրել այսպիսի հարմարավետ պայմաններում: Յուրաքանչյուր քոթեջը նախատեսված է 5 մարզիկի համար»,-ասել է Պրոսվիրինը: