Պակիստանի ֆինանսական վերահսկողության ազգային բյուրոն դադարեցրել է երկրի վարչապետ Ռաջա Փերվեզ Աշրաֆի նկատմամբ կոռուպցիոն գործի հետաքննությունը, երեքշաբթի հաղորդել է IANS գործակալությունը:
Ավելի վաղ հետաքննության շրջանակներում դատարանը հանձնարարել էր ձերբակալել վարչապետին: Հետաքննության դադարեցումը կապվել է քննիչներից մեկի մահվան հետ: Նրա մարմինը հայտնաբերվել է Իսլամաբադի հյուրանոցներից մեկում: Ենթադրվում է, որ նա ինքնասպան է եղել: