Վրաստանի նախագահ Միխաիլ Սահակաշվիլին երեկ ՆԳՆ աշխատակիցների հետ հանդիպման ժամանակ քննադատության է ենթարկել երկրի զանգվածային լրատվության միջոցներին եւ որոշ կուսակցություններին Վլադիմիր Հարությունյանի ազգային պատկանելությունը մշտապես շեշտադրելու համար: «Ինձ համար ազգությունը նշանակություն չունի: Հարությունյանը հայ է, նրա կողմից սպանված սպայի (Զուրաբ Կվիլիվիձե) այրին նույնպես հայ է: Նրանք երկուսն էլ Վրաստանի քաղաքացիներ են»,-հայտարարել է Սահակաշվիլին: Հիշեցնենք, որ Վ.Հարությունյանը, որին օրերս ձերբակալել էին Վրաստանի իրավապահ մարմինները, մեղադրվում է ԱՄՆ նախագահ Ջորջ Բուշի դեմ նրա թբիլիսյան ելույթի ժամանակ կատարած մահափորձի համար: