Սիրիական ընդդիմության Ազգային կոալիցիայի ղեկավար Ահմեդ Մուազ ալ-Հատիբը հայտարարել է, որ պատրաստ է բանակցություններ սկսել սիրիական իշխանությունների ներկայացուցիչների հետ՝ երկխոսության մեկնարկի համար առաջադրելով մի շարք նախապայմաններ:

Նրա խոսքով, բանակցությունների մեկնարկի համար նախապայման է հանդիսանում Սիրիայում 160 հազար բանտարկյալների ազատումը: Այս մասին հաղորդում է Ռոսբալթը:

52-ամյա ալ-Հատիբը Ընդդիմադիր և հեղափոխական ուժերի ազգային կոալիցիայի ղեկավար է ընտրվել Դոհայում սիրիական արտաքին ընդդիմության ներկայացուցիչների հանդիպման ընթացքում: