Ֆրանսիայի ԱԳ նախարար Լորան Ֆաբիուսը հայտնել է, որ եթե ռազմական գործողությունը Մալիում հետագայում ևս ըստ նախատեսված պլանի ընթանա, ապա ֆրանսիական զորքերը կսկսեն հեռանալ երկրից արդեն մարտ ամսին, հայտնում է Բի-բի-սին: Մալիին նվիրված հանդիպմանը Բրյուսելում քննարկվել է նաև միջազգային զորակազմի ֆինանսավորման հարցն ու հումանիտար աջակցության անհրաժեշտությունը:

Ֆրանսիան այժմ գլխավորում է Մալիի իսլամիստ գրոհայինների դեմ գործողությունը: Մինչ այս Ֆրանսիայի նախագահ Օլանդն արդեն հայտարարել էր, որ մտադիր չէ երկար պահել ֆրանսիական զորքերը Մալիում: