ՀՀ գլխավոր դատախազության աշխատանքային խումբն ուսումնասիրել է խախտումների վերաբերյալ ՀՀ նախագահի թեկնածու Րաֆֆի Հովհաննիսյանի նախընտրական շտաբի կողմից փետրվարի 19-ին տարածած ամփոփագիրը։

Արդյունքում պարզվել է, որ որպես խախտում հիշատակվող 121 ծանուցումներից 52-ը պարունակում են ընտրախախտումների վերաբերյալ քրեական օրենսգրքով նախատեսված հանցագործության մասին տեղեկություններ։ Դրանցից 41-ն ուղարկվել են ոստիկանության ստորաբաժանումներ, իսկ մնացած 11-ը կրկնվող հաղորդումներ են, քանի որ նախկինում դրանց վերաբերյալ ահազանգեր դատախազությունը ևս ստացել էր և օրենքով սահմանված կարգով ընթացք տվել։

Նույն ամփոփագրին կցված են եղել նաև ընտրական խախտումների վերաբերյալ տեսանյութեր, որոնցից 2-ը ևս հանձնարարվել է քննության առարկա դարձնել:

Տեղեկացնում ենք, որ գործող օրենսդրության համաձայն քննության առարկա չեն կարող դարձվել ընդհանրական բնույթի կամ քրեական օրենսգրքով նախատեսված հանցագործության հատկանիշներ չպարունակող տեղեկությունները։

Արդյունքների մասին կտեղեկացվի լրացուցիչ:

Այսպիսով` քվեարկության օրն արձանագրված խախտումների վերաբերյալ դատախազությունն ընթացք է տվել 128 հաղորդման: