Աբխազիայի չճանաչված Հանրապետության Անվտանգության խորհուրդը քննարկել է Գագրա քաղաքում տեղի հայ բնակչությանն ուղղված սպառնալիքներով անանուն թռուցիկների տարածման փաստը: Աբխազիայի նախագահ Սերգեյ Բաղապշը պահանջել է իրավապահ մարմիններից ձեռնարկել համապատասխան քայլեր եւ հարուցել քրեական գործ: Թռուցիկների տարածման մասին հայտնել է Աբխազիայի խորհրդարանի պատգամավոր Ալբերտ Հովսեփյանը: Ելույթ ունենալով խորհրդարանում, նա նշել է, որ «Աբխազիայի հայերը նման գործողությունները գնահատում են որպես սադրանք եւ հանրապետության ազգամիջյան հավասարակշռությունը խախտելու փորձ», տեղեկացնում է «Մեդիամաքս» գործակալությունը: