Քիչ առաջ Կենտրոնական ընտրական հանձնաժողով ներկայացվեց Երևանի ավագանու մայիսի 5-ի ընտրություններին առաջադրման առաջին հայտը: Գրանցման համար անհրաժեշտ փաստաթղթեր ներկայացրեցին ՀՀԿ-ի ներկայացուցիչները:

Այս մասին PanARMENIAN.Net-ի թղթակցին հայտնեց ԿԸՀ-ի նախագահի մամուլի քարտուղար Հերմինե Հարությունյանը: «Ներկայացվել են բոլոր անհրաժեշտ փաստաթղթերը: Հանձնաժողովը կուսումնասիրի դրանք, որից հետո ընտրական ցուցակը կհրապարակվի ԿԸՀ-ի կայքում», - ասաց նա:

ՀՀԿ-ի համամասնական ցուցակի առաջին երեք հորիզոնականները զբաղեցնում են Երևանի քաղաքապետ Տարոն Մարգարյանը, Հայաստանի շախմատի ակադեմիայի հիմնադիր-նախագահ, գրոսմայստեր Սմբատ Լպուտյանը, Երևանի ճարտարապետության և շինարարության պետական համալսարանի ռեկտոր Հովհաննես Թոքմաջյանը: