Թբիլիսիում ավարտվել են ազատ ոճի ըմբշամարտի Եվրոպայի առաջնության գոտեմարտերը: Հայաստանի ազատ ոճի ըմբշամարտի հավաքականը երկու մեդալ նվաճեց՝ մեկ ոսկի և մեկ արծաթ:
Արայիկ Բաղդադյանի սաներից Եվրոպայի չեմպիոն դարձավ Դավիթ Սաֆարյանը (66կգ), իսկ Մուսա Մուրթազալիևը (84կգ) զբաղեցրեց երկրորդր տեղը:
Ընդհանուր թիմային հաշվարկում հայկական թիմը զբաղեցրել է վեցերորդ տեղը 29 միավորով, ինչը հնարավորություն է տալիս ելույթ ունենալ Եվրոպայի գավաթի խաղարկությունում:
Առաջին տեղում Ռուսաստանն է, երկրորդում՝ Վրաստանը, երրորդում՝ Ուկրաինան:
Այսօր մեկնարկի դուրս կգան հունահռոմեական ոճի ըմբիշները: Հայաստանը ներկայացնում են Հարություն Հովհաննիսյանը (55կգ), Ալեքսան Միքայելյանը (60կգ), Արթուր Ալեքսանյանը (96կգ ) և Վաչիկ Եղիազարյանը (120կգ):