Պ.Հայրիկյանն ընդունել է արտասահմանում վիրահատվելու առողջապահության նախարարության առաջարկը
ԱԻՄ առաջնորդ, ՀՀ նախագահի նախկին թեկնածու Պարույր Հայրիկյանը, ում դեմ մահափորձ էր իրականացվել, շարունակում է գտնվել Կարմիր խաչի հիվանդանոցում: Ֆեյսբուքյան իր էջում նա հայտնում է, որ վիրավոր ձեռքի վիճակը գնալով վատանում է: Նա նաև տեղեկացնում է, որ շաբաթ օրը առողջապահության նախարարության հետ պայմանավորվել է, որ ընդունում է արտասահմանում բուժվելու և վիրահատվելու առաջարկը։ «Ուր եմ նախընտրում գնալ՝ հարցին պատասխանեցի, որ վստահում եմ իրենց, և նախընտրելին նա է, որը շուտ կազատի ինձ այս ցավերից ու կվերականգնի ձեռքիս աշխատանքը։ Գործնական հրավերներ կան ԱՄՆ-ից, Իսրաելից, Գերմանիայից։ Կարծում եմ` կլինի նաև Հոլանդիայից»,- գրել է Պարույր Հայրիկյանը։
