Մոսկվայում շարունակվում է սպորտային մարմնամարզության Եվրոպայի առաջնությունը, որին մասնակցում են նաև հայ մարզիկները:
Լոնդոնի Օլիմպիադայի մասնակից Արթուր Դավթյանը բազմամարտում գրավել է 9-րդ տեղը 56,866 միավորով: Սերոբ Սողոմոնյանը 24 մասնակիցների մեջ ելույթն ավարտել է 18-րդ տեղում 53,764 միավորով:
Եվրոպայի չեմպիոն է դարձել ռուսաստանցի Դավիթ Բելյավսկին 60,266 միավորով:
Եվրոպայի առաջնության եզրափակիչ է դուրս եկել նաև Հարություն Մերդինյանը, նա հանդես կգա նժույգաթափ ձևում, իսկ Դավթյանը կշարունակի պայքարը հենացատկում:
Առաջնությունը կավարտվի ապրիլի 21-ին: