Նախագահի հրամանագիրը. Տիգրան Սարգսյանը նշանակվեց ՀՀ վարչապետ
ՀՀ նախագահ Սերժ Սարգսյանը վարչապետի ժամանակավոր պաշտոնակատար Տիգրան Սարգսյանին Հայաստանի վարչապետ նշանակելու մասին հրամանագիր է ստորագրել.
«Ղեկավարվելով Հայաստանի Հանրապետության Սահմանադրության 55-րդ հոդվածի 4-րդ կետով՝ որոշում եմ.
1. Տիգրան ՍԱՐԳՍՅԱՆԻՆ նշանակել Հայաստանի Հանրապետության վարչապետ:
2. Սույն հրամանագիրն ուժի մեջ է մտնում ստորագրման պահից»,- հայտնում են նախագահի աշխատակազմի հասարակայնության եվ տեղեկատվության միջոցների հետ կապերի վարչությունից:
Հիշեցնենք, որ երեկ ՀՀԿ ԳՄ նիստին նախագահը վարչապետի պաշտոնում առաջարկել էր կրկին նշանակել Տիգրան Սարգսյանին:
