Դեկտեմբերի 1-ին Հայաստան կժամանի Գերմանիայի ՊՆ պատվիրակությունը
Դեկտեմբերի 1-ին Հայաստան կժամանի Գերմանիայի Դաշնային Հանրապետության պաշտպանության նախարարության ռազմաքաղաքական վարչության պետի տեղակալ, բրիգադի գեներալ Կառլ Մյուլների գլխավորած պատվիրակությունը, հաղորդում է Հայաստանի պաշտպանության նախարարի մամլո քարտուղար, գնդապետ Սեյրան Շահսուվարյանը: Այցի ծրագրով նախատեսվում են հայ-գերմանական երկկողմ աշխատանքային բանակցություններ եւ հանդիպումներ ՀՀ պաշտպանության նախարար Սերժ Սարգսյանի, ՊՆ բարձրաստիճան սպաների հետ: Այցի ընթացքում գերմանական պատվիրակությունը կայցելի նաեւ ՀՀ ՊՆ Վազգեն Սարգսյանի անվան ռազմական ինստիտուտ:
