Հայաստանի հունահռոմեական ոճի ըմբշամարտի հավաքականը մայիսի 15-ից ուսումնամարզական հավաք է անցկացնում Ծաղկաձորում: PanARMENIAN.Net-ի թղթակցի հետ զրույցում հավաքականի գլխավոր մարզիչ Օլիմպիական չեմպիոն Լևոն Ջուլֆալակյանն ասել է, որ հավաքը կտևի մինչև մայիսի 29-ը:

«Մեզ հետ մարզվում են նաև պատանեկան ու երիտասարդական հավաքականները: Մենք պատրաստվում ենք միջազգային մրցաշարի, որը կանցկացվի Իտալիայում»,-ասել է Ջուլֆալակյանը:

Ըստ նրա, հունահռոմեական ոճի ըմբիշները հունիսին կմասնակցեն Մարիուպոլի մրցաշարին, իսկ հետո հավաք կանցկացնեն Ալուշտայում:

«Հունիսի վերջում մենք կվերադառնանք Հայաստան և կշարունակենք մարզումները: Նշեմ, որ մեր ըմբիշներից ոմանք այս ամռանը կմասնակցեն Համաշխարհային ուսանողական խաղերին»,-հավելել է մարզիչը: