1 խորանարդ/ մետր գազի դիմաց, ըստ նախնական որոշման, հայաստանցիները կվճարեն 156 դրամ: Այս մասին այսօր ասուլիսի ժամանակ ասել է Հանրային ծառայությունները կարգավորող հանձնաժողովի սակագնային քաղաքականության վարչության պետ Գարեգին Բաղրամյանը։ «Հաշվի առնելով, որ Կառավարությունը սուբսիդավորելու է 30 տոկոսը և մի շարք այլ հանգամանքներ, այս պահին հիմնավորված ենք համարել, որ գազի գինը սահմանվի մեկ խորանարդի դիմաց 156 դրամ»,- ասել է նա:

Հանրային ծառայությունները կարգավորող հանձնաժողովը «ՀայՌուսգազարդ»-ից գազի սակագնի վերանայման հայտը ստացել է մայիսի 14–ին: Ընկերությունն առաջարկել է գազի գինը 1 խորանարդ/մետրի համար սահմաել 221 դրամ: Այսօրվա տվյալով 1 խորանարդ/մետր գազն արժի 132 դրամ: