Երևանի քաղաքապետ Տարոն Մարգարյանը, պատասխանելով լրագրողների հարցին, թե գազի սակագնի բարձրացման հետ կապված կթանկանա արդյոք տրանսպորտի գինն ասաց, որ մասնագետներն այդ ուղղությամբ աշխատում են:
«Տնտեսագետների ուսումնասիրություններից հետո մենք հայտարարությամբ հանդես կգանք: Դեռ չի քննարկվում տրանսպորտի թանկացման հարցը, բայց հաշվարկները կատարվում են: Դրանք պետք է կատարեն, որպեսզի հասկանանք, թանկանալու է թե ոչ»,- նշեց Մարգարյանը:
Ավելի վաղ, Հանրային ծառայությունները կարգավորող հանձնաժողովի նախագահ Ռոբերտ Նազարյանն ասել էր, որ գազի սակագնի բարձրացման հետևանքով 5 տոկոսով կբարձրանա նաև հասարակական տրանսպորտի սակագինը: Ըստ նոր որոշման, քաղաքացիները 1 խմ դիմաց կվճարեն 156 դրամ: Որոշումն ուժի մեջ կմտնի հուլիսի 1-ից: