Արցախի Հանրապետության նախագահ Բակո Սահակյաննայցելել է Շուշի: Նախագահը եղել է քաղաքի գորգագործական արտադրամասում և ծանոթացել նրա աշխատանքներին: Երկրի ղեկավարը կարևորել է այս ճյուղի զարգացումը ինչպես տնտեսության առաջընթացի ապահովման, այնպես էլ Արցախի մշակույթը արտաքին աշխարհին ներկայացնելու գործում:
Այնուհետև Բակո Սահակյանն այցելել է Շուշիում բնակելի շենքերի, արհեստագործական ուսումնարանի և Հայաստանի ազգային ագրարային համալսարանի Շուշիի մասնաճյուղի շինհարթակ, ծանոթացել իրականացվող աշխատանքներին: Նախագահն ընդգծել է, որ մեր նպատակն է վերականգնել Շուշիի` որպես կրթական, հոգևոր ու մշակութային կենտրոնի երբեմնի փառքը, և այդ գործում մեծ դերակատարություն կունենան այս ուսումնական հաստատությունները: Այցի ընթացքում Նախագահին ուղեկցում էին ԼՂՀ փոխվարչապետ Արթուր Աղաբեկյանը, պաշտոնատար այլ անձինք: