Պարտություն չունեցող 27-ամյա Վանես Մարտիրոսյանը հայտարարել է, որ պատրաստ է Դեմետրիուս Անդրադեի հետ պայքարել առաջին միջին քաշային կարգում WBO թափուր գոտու համար:
Տիտղոսը թափուր է դարձել, երբ գոտու նախկին տերը` Զաուրբեկ Բայսանգուրովը հրաժարվել է Անդրադեի հետ մենամարտից մեջքի վնասվածքի պատճառով: Բայսանգուրովի հրաժարվելուց հետո Բռնցքամարտի համաշխարհային կազմակերպությունը (WBO) նշանակել է Անդրադե-Մարտիրոսյան մենամարտը:
Մենամարտի հաղթողը պարտավոր է իր տիտղոսի առաջին պաշտպանությունն անցկացնել Զաուրբեկ Բայսանգուրովի հետ մենամարտում, հայտնում է BoxingScene.com-ը:
Վերջին մենամարտը Մարտիրոսյանն անցկացրել է հունիսի 15-ին և հաղթել է Ռայան Դևիսին (ԱՄՆ):