Հայաստանն ու Շվեդիան ամրացնում են երկկողմանի հարաբերությունները
Շվեդիայում գտնվող ՀՀ ԱԳ նախարար Վարդան Օսկանյանը այսօր հանդիպեց Շվեդիայի ԱԳ նախարար տիկին Լայլա Ֆրեյվալդսի հետ, հայտնում է ՀՀ ԱԳՆ մամլո ծառայությունը:դ Հանդիպման ընթացքում դրական գնահատելով դինամիկ զարգացող երկկողմ հարաբերությունների ընթացքը` կողմերը պատրաստակամություն հայտնեցին կոնկրետ քայլեր ձեռնարկել դրանք առավել խորացնելու նպատակով: Այդ առումով զրուցակիցները բարձր գնահատեցին ՀՀ նախագահի պաշտոնական այցը Շվեդիա, որը նոր խթան կհանդիսանա բոլոր ուղղություններով հայ-շվեդական համագործակցության համար:
Նշելով եւրաինտեգրացման ուղղությամբ Հայաստանի գործադրած ջանքերը` ՀՀ ԱԳ նախարարը ներկայացրեց ԵՄ «Եվրոպական հարեւանության քաղաքականության» շրջանակներում Հայաստանի գործողությունների ծրագրի մշակման ընթացքը եւ համագործակցության զարգացման հեռանկարները: Այնուհետեւ նախարարներն անդրադարձան տարածաշրջանային մի շարք հարցերի, այդ թվում հայ-թուրքական հարաբերությունների ներկա վիճակին եւ հեռանկարներին Թուրքիայի ԵՄ անդամակցության բանակցությունների լույսի ներքո: Քննարկվեց նաեւ Լեռնային Ղարաբաղի հակամարտության կարգավորման ընթացքը, որի շուրջ Վ. Օսկանյանն իր գործընկերոջը ներկայացրեց որոշ պարզաբանումներ Հայաստանի եւ Ադրբեջանի նախագահների փարիզյան հանդիպումից առաջ:
Նշելով եւրաինտեգրացման ուղղությամբ Հայաստանի գործադրած ջանքերը` ՀՀ ԱԳ նախարարը ներկայացրեց ԵՄ «Եվրոպական հարեւանության քաղաքականության» շրջանակներում Հայաստանի գործողությունների ծրագրի մշակման ընթացքը եւ համագործակցության զարգացման հեռանկարները: Այնուհետեւ նախարարներն անդրադարձան տարածաշրջանային մի շարք հարցերի, այդ թվում հայ-թուրքական հարաբերությունների ներկա վիճակին եւ հեռանկարներին Թուրքիայի ԵՄ անդամակցության բանակցությունների լույսի ներքո: Քննարկվեց նաեւ Լեռնային Ղարաբաղի հակամարտության կարգավորման ընթացքը, որի շուրջ Վ. Օսկանյանն իր գործընկերոջը ներկայացրեց որոշ պարզաբանումներ Հայաստանի եւ Ադրբեջանի նախագահների փարիզյան հանդիպումից առաջ:
