«Պրահայի գործընթացը» հնարավոր չէ ավարտին հացնել ոչ Ռամբույեում, ոչ էլ մեկ այլ վայրում
Ադրբեջանական կողմի պնդումներն այն մասին, թե Հայաստանի եւ Ադրբեջանի նախագահների Ռամբույեում կայացած բանակցություններում ավարտվեց «Պրահայի գործընթացը», ճիշտ չեն: Այդ մասին PanARMENIAN.Net-ի թղթակցին է հայտարարել ԶԼՄ-ների Կովկասյան ինստիտուտի տնօրեն, քաղաքագետ Ալեքսանդր Իսկանդարյանը: «Բանը նրանում է, որ «Պրահայի գործընթացը», կամ «Պրահայի սկզբունքներն» արձանագրված պայմանավորվածություններ չեն, եւ ոչ Ռամբույեում, ոչ էլ մեկ այլ վայրում դրանք անհնար է խախտել կամ ավարտին հասցնել: Դրանք ընդամենը մտադրություններ էին, որոնք կարելի է կատարել, կարելի է եւ չկատարել»,-ասել է քաղաքագետը:
Հիշեցնենք, որ ադրբեջանցի քաղաքագետ Իլգար Մամեդովը հայտարարել էր, որ Հայաստանի եւ Ադրբեջանի նախագահների Ռամբույեի անհաջող բանակցությունները հերթական անգամ սառեցրեցին ակտիվացած բանակցային գործընթացը: Նրա խոսքերով, Ռամբույեում ավարտին հասավ ղարաբաղյան հակամարտության կարգավորման հերթական փուլը` «Պրահայի գործընթացը»: «Դեռեւս մեկ տարի առաջ զգացվում էր, որ երկու երկրների կառավարությունները մտահոգված են ընտրություններով եւ Արեւմուտքի աջակցությունը ստանալու անհրաժեշտությամբ: «Երկու կողմերը ուղղակի օգտագործում էին «Պրահայի գործընթացը» ելնելով իրենց շահերից: Ընտրություններն Ադրբեջանում եւ Հայաստանում ավարտվեցին եւ անհետացավ «Պրահայի գործընթացի» անհրաժեշտությունը: Եվ օրինաչափ է, որ այդ գործընթացն ավարտվեց նման տխուր կերպով»,-հայտարարել էր նա:
Հիշեցնենք, որ ադրբեջանցի քաղաքագետ Իլգար Մամեդովը հայտարարել էր, որ Հայաստանի եւ Ադրբեջանի նախագահների Ռամբույեի անհաջող բանակցությունները հերթական անգամ սառեցրեցին ակտիվացած բանակցային գործընթացը: Նրա խոսքերով, Ռամբույեում ավարտին հասավ ղարաբաղյան հակամարտության կարգավորման հերթական փուլը` «Պրահայի գործընթացը»: «Դեռեւս մեկ տարի առաջ զգացվում էր, որ երկու երկրների կառավարությունները մտահոգված են ընտրություններով եւ Արեւմուտքի աջակցությունը ստանալու անհրաժեշտությամբ: «Երկու կողմերը ուղղակի օգտագործում էին «Պրահայի գործընթացը» ելնելով իրենց շահերից: Ընտրություններն Ադրբեջանում եւ Հայաստանում ավարտվեցին եւ անհետացավ «Պրահայի գործընթացի» անհրաժեշտությունը: Եվ օրինաչափ է, որ այդ գործընթացն ավարտվեց նման տխուր կերպով»,-հայտարարել էր նա:
