Այսօր լրացավ զինվորական բժիշկ, սպա Վահե Ավետյանի մահվան տարելիցը: «Հարսնաքար» ռեստորանային համալիրի տարածքում՝ Վահե Ավետյանի մահվան վայրում, երեկոյան հիշատակի արարողություն է անցկացվել, որին մոտ հարյուր քաղաքացի է մասնակցել: Ակտիվիստների ձեռքերում պաստառներ էին, որոնց վրա գրված էր «Ես եմ Վահե Ավետյանը»։
Հավաքվածները նախ մեկ րոպե լռությամբ հարգել են Ավետյանի հիշատակը, այնուհետև մի խումբ քաղաքացիներ փորձել են համալիրի տարածքում հուշաքար տեղադրել։ Ոստիկանները՝ Երևանի փոխոստիկանապետ Վալերի Օսիպյանը գլխավորությմաբ, փորձել են խոչընդոտել հուշաքարի տեղադրումը։ Նրանք զգուշացրել են, որ այն հանվելու է, բայց «Վահե Ավետյան» հասարակական շարժման ակտիվիստներին, այնուամենայնիվ, հաջողվել է այն տեղադրել: Հուշաքարի վրա գրված էր․ «Այս տարածքում դրվելու է «Հարսնաքարում» սպանված հայոց բանակի սպա, բժիշկ Վահե Ավետյանի հուշաքարը»:
