«Խաղաղ ամերիկացին» և «Սոլթ» ֆիլմերի հեղինակ Ֆիլիպ Նոյսը հայտարարել է, որ կցանկանար էկրանավորել ԿՀՎ նախկին աշխատակից Էդվարդ Սնոուդենի պատմությունը, որը ԶԼՄ-ներին է փոխանցել գաղտնի տեղեկություններ ԱՄՆ քաղաքացիների գաղտնալսման մասին: Նոյսը նույնիսկ թեկնածու ունի գլխավոր դերի համար:
Արդեն մեկ շաբաթ է, ինչ Սնոուդենը գտնվում է Մոսկվայի «Շերեմետևո» օդանավակայանում՝ ԿՀՎ նախկին աշխատակիցը չի կարող լքել երկիրն առանց փաստաթղթերի, որոնք ԱՄՆ իշխանությունները չեղյալ է հայտարարել: Նա մեկնում էր Հարավային Ամերիկա, որտեղ մի քանի երկիր նրան քաղաքական ասպատան է առաջարկել: Կապը նրա հետ պահպանում է Ջուլիան Ասանժը, որը նույնպես հետապնդվում է ԱՄՆ իշխանությունների կողմից պետական գաղտնիքները բացահայտելու համար:
Եթե Նոյսը ձեռնամուխ լինի ֆիլմի նկարահանմանը,ապա գլխավորի դերի համար կհրավիրվի «Քաղցած խաղերի» դերակատար Լայամ Հեմսվորթը:
