ՀՀ սփյուռքի նախարար Հրանուշ Հակոբյանն ընդունեց ԱՄՆ-ի Կալիֆոռնիա նահանգի Գլենդեյլ քաղաքի կրթական խորհրդի նախագահ Նայիրի Նահապետյանին: Նախարարն իր խոսքում նշեց. «Շնորհակալ եմ Ձեզ Գլենդեյլի հայ համայնքում ակտիվ գործունեություն ծավալելու համար, շատ եմ կարևորում մեր երկկողմ հարաբերությունների խորացումը: Մենք Ձեզ հետ կարող ենք ստեղծել համատեղ աշխատանքային խումբ, որով կկարողանանք իրականացնել տարբեր կրթական և մշակութային ծրագրեր», ասվում է նախարարության հաղորդագրության մեջ:
Նայիրի Նահապետյանը շնորհակալություն հայտնեց նախարարին ջերմ ընդունելության, կառուցողական և աշխատանքային խնդիրների վերաբերյալ քննարկման համար:
Հանդիպման ավարտին Հրանուշ Հակոբյանը հյուրին ներկայացրեց ՀՀ սփյուռքի նախարարության կողմից հրատարակած գրքերը, ծանոթացրեց նախարարության կողմից կազմած տարեգրքերն ու սփյուռքահայերին վերաբերող այլ ձեռնարկները:
